Poetry

Teri Hi Tarah Hamein Yaad Aane Wala Ho

Teri Hi Tarah HameinYaad Aane Wala Ho

Tere Siwa Bhi Koi To Satane Wala Ho

Har Ek Subah Yahi Dil Mein Hook Uthti Hai
Hamein Bhi Naaz Se Koi Jagane Wala Ho

Wo Kis Ummid Mein Ghar Mein Rakhein Ke Jis Ghar Mein
Na Aane Wala Ho Na Koi Jaane Wala Ho

Har Ek Se Nazrein Milayi Hai Unke Kuche Mein
Ki Jaise Ab Koi Hum Ko Bulane Wala Ho

Hai Dosto Ke Liye Aayina Nazar Meri
Nazar Milaye Jo Nazrein Milane Wala Ho

Ke Jaise Koi Bala Mujhpe Aane Wali Hai
Haraas Kehta Hai Koi Bachane Wala Ho

Hamare Shaher Mein Kya Kya Saje Sajaye Hai Ghar
Hamare Ghar Ko Bhi Koi Sajane Wala Ho

Tez Barish Mebhi Sard Hawaon Me  KaRaha

Tez Barish Me Kabhi Sard Hawaon Me Raha
Ek Tera Zikar Tha Jo Meri Sadaon Me Raha

Kitne Logon Se Mere Gehre Marasim Hain Magr
Tera Chehra Hi Faqat Meri Duaaon Me Raha

Aankhon Me Na Jane Rank Hain Kiun Be Shumar Aankhon Me Ke Jaise Aaya Tu Banke Bahar Aankhon Me Har Ek Chehra Tumhar Shabeeh Lagta Hai Macha Hua Hai Ye Kya Khalfeshaar Aankhon Me Kabhi Jo Rukh Pe Tere Uth Gai Nazar Meri To Paya Khudko Teri Beghubaar Aankhon Me Tumhari Nazron Ka Ek Jaam Hi Piya Tha Ke Bas Tumhare Ishq Ka Chhaya Khumaar Aankhon Me Tere Jabeen Ka Qashqa Misale Mahro Mah Basa Hua Hai Yun Lail O Nahaar Aankhon Me Zara Sa Rozane Zindan Ka Noor Naakaafi Hai Tere Hijr Ki Raaten Hazar Aankhon Me Tumhari Rah Pe Chala Paya Aabla Paai Aour Aansuon Ke Sabab Hai Daraar Aankhon Me Likhunga Gham Ka Fasaana Main Us Siyaahi Se Chhupi Hui Hai Jo Is Beqaraar Aankhon Me Ye Kaisi Raahguzar Pe Tu Chal Para Nasir Qadam Me Aable Aour Fikre Yaar Aankhon Me Tere Labon Se Sirf, Gham Nikalta Hai Har Damm Us Ki Yaad Se Tera Damm Nikalta Hai Paani Nikalta Hai Aankon Se, Phir Bhi Kamm Nikalta Hai Tu Shaaer Kam Aashiq Ziada Lagta Hai Ahmed Jab Nikalta Hai Tere Labon Se,Sirf Ghamm Nikalta Hai Ab Tumharay Hum Nahi Hum Tumharay Thay Kabhi, Magar Ab Tumharey Hum Nahi Beshak Phirtay Hain Da-Ba-Dar, Phir Bhi Kisi Se Kam Nahi Hum Shaheed E Ishq Hain, Gaazi E Wafa To Nahi So, Auraaq E Tareekh Main, Hamari Daastan Raqam Nahi Kia Faida Us Maatam Ka, Jo Tum Par Asar Na Karay Pathar Dil Ho Gaye Tum, Ab Hijar Ka Koi Gham Nahi Ik Hum Bhi Muddaii Hain, Adaalat E Ishq Main Ahmed Tera Yeh Hum Se Na Milna, Kya Hum Par Zulam Nah Ta'ajjub Hai, Wo Humein Hamara Bhi Nahi Krtay Door Se Hi Dekh Kar Wo Galat Samaj Bethey Hain Humein Paas A Kar Dil Dekhna Gawaara Bhi Nahi Kartay Hamein To To Apna Kisi Tarha Na Kar Sakay Ahmed Magar Ta'ajjub Hai, Wo Humein Hamara Bhi Nahi Krtay Meri Aankhon Se Aansoo Barastay Rahay Karnay Ki Izhaar E Mohabbat, Hui Na Himmat Phir Deed Ko Hum Us Ki Tarastey Rahay Wo Raha Mehv E Guftgoo Mere Raqeeb K Sath Meri Aankhon Se Aansoo Barastay Rahay Laachar Mohabbat Is Dunia Mein Laachar Aye Thay, Laachar Hi Gye Wo Jo Dil Mein Utray, Sub Sanwaar Hi Gaye Hum Ne To Sirf Un Se Mohabbat Ki Thi Ahmed Wo Khata Hi Kya Thi Jo Humein Maar Hi Gaye Kyoun Bhool Gaye Hum Ko Rishta To Purana Tha. Kyoun Bhool Gaye Hum Ko Rishta To Purana Tha. Aik Yeh Bhi Zamana Hai Aik Woh Bhi Zamana Tha. Rangeen Fizayein Thi Shokh Adayein Thi. Jazbon Ki Jawani Thi Mosam Bhi Sohana Tha. Seene Se Lagaya Tha Ankhon Pe Bithaya Tha. Maloom Na Tha Tumne Yoon Chhor Ke Jana Tha. Kyoun Humse Khafa Ho Tum Kyoun Humse Juda Ho Tum. Kya Jurm Hua Humse Itna To Batana Tha. Nafrat Se Bhari Nazrein Aik Jaan Hi Le Bethi. Tukre Bhi Kiye Dil Ke Kya Khoob Nishana Tha Judaai K Mosam Main Judaai k Mosam main, Utarti Shaam se Pehly, Meri Yakh-Basta Aankhon main, Khaamoshi Raqs karti hai, To Usski Yaad ki Payal, Yoon Mery Kaan main Aa kar, Mussalsal Chanchhanati hai, To Phir Yak-Dam Khaamoshi ka, "Tassalsul" Toot jata hai, Phir aisey mein koi "Koyal", Barry hi Qarb se Kooky, To yoon Mehsoos hota hai, k jaise Be-Sabab koi, Kissi ko "Yaad" karta hy. Kissi ko "Yaad" karta hy... Naya Dard Ik Dil Mein Jaga Kar Chala Gya. Naya Dard Aek Dil Mein Jaga Kar Chala Gya. Kal Phir Woh Mere Sheher Mein Aa Ker Chala Gya. Jis Se Dhoondta Raha Main Lougon Ki Bherr Mein. Mujh Se Woh Apna Aap Chupa Kar Chala Gya. Main Oski Khamoshi Ka Sabab Poochta Raha. Woh Qisse Idhar Udhar Ke Suna Kar Chala Gya. Yeh Sochta Hoon Kese Bhulaaoon Ga Ab Osse. Aek Woh Jo MujhKo Bhula Kar Chala Gya Cigrette Aur Tumhari Yaadein Mein Cigrette Ko Hatheli Par Ulat Kar Khali Karta Hoon Phir Us Mein Daal Kr Yaadein Tumhari Khoob Malta Hoon Zara Sa Gham Milata Hoon Hatheli Ko Ghumata Hoon Basa Kr Tujh Ko Saanson Mein Mein Phir Cigrette Banata Hoon Lga Kr Apne Honton Se Mohabbat Se Jalata Hoon Tuje Sulgaa Ke Cigrette Mein Mein Tere Kash Lagata Hoon Dhuan Jab Mere Honton Se Nikal Kar Raqs Krta Hai Mere Chaaron Taraf Kamre Mein Tera Aks Banta Hai Main Us Se Baat Karta Hoon Wo Mujh Se Baat Karta Hai Yeh Lamha Baat Karne Ka Bada Anmol Hota Hai Teri Yaden Teri Batain Bada Mahol Hota Hai...!!!! Hawa Thami Thi Zaroor Lekin Hawa thami thi zarur lekin, Wo shaam jesay sisak rhi thi, K zard patton ko aandhiyon ne, Ajeeb Qisa suna diya tha, K jis ko sun kr tamam patay, Sisak rahy thay Bilak rahy thay, Janay kis k, alam me sary, Shajar jarroon se ukher chuky thay, Boht tlasha tha hum ne tumko, Har aik rasta Har aik waadi, Har aik parbat Har aik ghaati, Mgr kahin se khbar na aie, Ye keh k hum ne b dil ko tala, Hawa thamay gi to dekh len gay, Hum uskay rasto ko dhond lay gen, Mgr hamari ye khush khiyaali, Jo hum ko barbaad kar gai thi, Hawa thami thi zaror Lekin, Bari hi mudat guzar chuki thi, Hmare Baloon k jangloon main, Sufaid chandi utar chuki thi, Falak pe taare nahi rahay thay, Khwaab pyare nahi rahay thay, Wo jin se basti thi Dil ki basti, Wo log sare nahi rahay thay, Magar ye Al'miyaa sab se bala'tar tha, K tum humaray nahi rahay thay, K hum tumhare nhi rahay thay, Hawa thami thi zarur Lekin, Bari hi mudat guzr chuki thi. “GAZAL” Kab tak raho gaye aakhir yoon door door hum se,. Milna prray ga aakhir ik din zaroor hum se, Daman bachanay walay ye berukhi hai kesi, Keh do agar huwa hai koi qusoor hum se.? Hum chhor dain gaye tum se yoon baat cheet karna, Tum poochtay phiro ge apna qusoor hum se., Hum cheen lain ge tum se ye shaan-e-benyazi, Tum maangtay phiro ge apna garur hum se…!